Стулы

Аграсядзіба “Стулы” знаходзіцца ў пакінутай людзьмі вёсцы Стойлы, што на Пружаншчыне. У 2015 г. адыйшоў у іншы свет апошні яе карэнны жыхар – сусветнавядомы майстар разьбы па дрэве, гаспадар “драўлянага народа”, стваральнік музея “Успаміны Бацькаўшчыны” Мікалай Тарасюк. Гаспадарамі аграсядзібы “Стулы” разам з аддзелам культуры Пружанскага райвыканкама і ГА “Тур” зроблена шмат намаганняў па захаванню памяці пра вядомага майстра ў выніку якіх у в. Стойлы створаны дзве скульптурныя кампазіцыі ў памяць аб майстры і інфармацыйны стэнд аб яго жыцці і творчасці. У верасні 2016 г.у аграсядзібе “Стулы” пры падтрымцы Праграмы развіцця агратурызма ў Беларусі (быў вылучаны крэдыт Пружанскім філіялам Белаграпрамбанка) адкрыў дзверы культурна-адукацыйны цэнтр “Вясковы рэнесанс” (зачынены драўляны павільён 84 м2, які ўключае ў сябе залу на 50 асоб з камінам і сучасным мульцімедыя абсталяваннем). Галоўнай мэтай цэнтра з’яўляецца захаванне, падтрымка і папулярызацыя традыцыйнай культуры рэгіёна. Дзеля гэтага ў 2018 годзе намі зроблена:

• праведзены абрад “Калядкі”, які пабачылі больш за 50 чалавек;
• рэканструяваны і праведзены абрад “Гуканне вясны” (каля 40 дзяцей);
• праведзены майстар-класы па разьбе па дрэве, ганчарству, выцінанцы, роспісу па шкле, пляценню саламяных павукоў і інш. (для 200 чалавек);
• праведзена свята Роднай мовы (для 40 чалавек);
• адроджаны беларускі народны тэатр Батлейка, які быў паказаны прыблізна для 300 чалавек;
• створаны спектакль у жанры батлейкі, які прысвечаны Народнаму майстру Міколе Тарасюку і гісторыі вёскі Стойлы “Прытулак памяці”(спектакль пабачылі больш за 200 чалавек);
• даследавана рэцэптура мясцовых страў і напояў рэгіёна Белавежскай Пушчы;
• праведзены пленэр мастакоў, у выніку якога засталіся на палотнах элементы аўтэнтычнай архітэктуры і краявіды вёскі;
• распрацаваны квэст-экскурсія “Стойлаўскія нагавіцы” па вывучэнню прыродных і этнаграфічных аб’ектаў вёскі, які наведалі больш за 100 чалавек;
• праведзены творчыя сустрэчы са знакамітымі паэтамі, бардамі, музыкамі і фальклорнымі гуртамі - Алесем Камоцкім, Касей Радзівілавай, Таццянай Грыневіч, Антанінай Хатэнка, “Хмелеўскімі валацугамі”, “Гаманінай” і інш.( прысутнічала каля 150 чалавек).
• праведзены абрад “Купалле”, які пабачылі больш за 50 чалавек; Усяго ў 2018 годзе (на цяперашні момант) аграсядзібу наведала каля тысячы чалавек. Акрамя закрытага павільёна, аграсядзіба мае жылы дом на 2 пакоі з шыкоўнай рускай печчу, асабісты тэатр і 60 сотак прысядзібнай тэрыторыі, дзе можа размясціцца палатачны лагер, таксама на сядзібу перавезены з пас.Шарашова этнаграфічны жылы дом, які ў перспектыве будзе мець накалькі гасцявых пакояў і музей разьбярства і ганчарства.